BASES
(III Edición. 2014)
1. Podrán participar tolos estudiantes (ente 12 y 18 años) matriculaos n’Educación Secundaria de los centros educativos d’Asturies, con una obra inédita, orixinal y de temática llibre.
2. Los rellatos tarán escritos en llingua asturiana, con una estensión que nun supere les tres fueyes, modelu Din-A4, per una sola cara, tipografía Times New Roman, cuerpu 12, a doble espaciu.
3. Los rellatos podrán entregase na Casa Cultura “Teodoro Cuesta” de Mieres (C./ Manuel Llaneza, 8. 33600 Mieres del Camín) o per corréu electrónicu (e-mail: llingua@ayto-mieres.es)
· Nel sobre zarráu indicarase III Concursu de Rellatos Curtios “Conceyu de Mieres”, y podrá entregase en mano na Secretaría o per corréu postal.
· Dientro del sobre, el rellatu dirá ensin firma, con alcuñu o lema, que s’indicará tamién n’otru sobre colos los datos personales del autor, señes, teléfonu de contactu y corréu electrónicu.
· Si se manda per corréu electrónicu, el rellatu dirá nun archivu axuntu (word.doc) y los datos personales, títulu y alcuñu, nel cuerpu del corréu.
4. El plazu de presentación acaba el 30 de payares de 2014.
5. Concederánse tres premios (un ganador y dos finalistes) que consistirán en lotes de llibros en llingua asturiana.
6. El fallu del xuráu será inapellable y daráse a conocer nel plazu d’un mes.
7. La entrega de premios será nel Salon d’Actos de la Casa Cultura “Teodoro Cuesta”, nun actu públicu con fecha a determinar.
8. Los rellatos premiaos podrán publicase nel llibru de fiestes de San Xuan del prósimu añu.