Ca mes un cuentu. Cuentacuentos n’asturianu: “Fechizocuentos”, por Andrea Lobo

Ca mes un cuentu
Cuentacuentos n’asturianu

“Fechizocuentos”
por Andrea Lobo

Biblioteca Pública de Mieres

Inscripción previa na Biblioteca. Aforo llindáu.

FECHIZOCUENTOS LA BRUXA LLOBA

Chirimbín, chirimbaina! Vuelve la Bruxa Lloba a la biblioteca de Mieres. ¡Chirimbín, chirimbón! ¿Qué Fechizocuentos saldrán güei? Chirimbín, Chirimberes! El cestu máxicu ta enllenu de nuevos cuentos, música y marionetes a la gueta los güeyos y oreyes.

Pa neños/es a partir de 4 años.

Espectáculo de narración oral con títeres, obxetos y música en direuto.

La Bruxa Lloba dacuando sal de la so lluriga, lleva una maleta pergrande, un cestu máxicu y seres pequeñinos que la acompañen pa facer sesiones de Fechizo-cuentos. Tou Fechizu-cuentu ye máxicu y únicu, cada oyente va recibir la enseñanza y emoción que precise nesi momentu como un ungüentu reparador. Pa ello, la Bruxa Lloba, cola ayuda de les persones presentes, va dir metiendo nel so gran cestu diferentes ingredientes. Depués, pronunciando les palabres del fechizu y faciendo la danza de les varines máxiques, esti va facer efectu, y asina, el cestu va dicinos qué cuentos necesitamos y d’él van salir los elementos necesarios pa que La Bruxa Lloba, de la mano de los títeres y instrumentos musicales, y de forma teatralizada, interactiva y divertida, nos los cunte.