Día de la Llingua Materna: “Les madreñes vacíes”, por Carlos Alba

Día de la Llingua Materna
Teatru n’asturianu:

“Les madreñes vacíes”
por Carlos Alba ‘Cellero’

Auditoriu Teodoro Cuesta

Entrada llibre hasta completar aforu

Andando d´equí p´allá pel mundu, un xuglar atópase con Miguelín, un neñu pastor al que esti añu nun-y dexaron nada los reis magos. Dambos los dos entamen un llargu viaxe contra l´Oriente. Ellí van descubrir que a Gaspar, Melchor y Baltasar secuestrólos el Señor de la Guerra, y van tener que los lliberar. Una hestoria con títeres sorprendentes y música en direuto.

Espectáculu ganador del VI Premiu Nel Amaro de Teatru profesional n’asturianu 2022.

Equipu artísticu:
Autor: Carlos Alba “Cellero” (partiendo d´un poema de Miguel Hernández)
Interpretación: Carlos Alba “Cellero”
Direición escénica: Alexander Curcic
Marionetes: Olga Zeceva Curcic
Illuminación: Rafa Echevezt
Guitarra barroca: Noemí G. Sagüillo
Vestuariu: Nati García y Olga Zeceva Curcic
Diseñu de cartel y cartafueyos: Goyo Rodríguez

Equipu técnicu:
Igüa d’escenografía: Olga Churchic (Taller de Teatru Plus), Vanessa Peña y Goyo
Rodríguez / Luthier: Carlos Ardura
Vídeu: Omar Tuero / Semeyes: René Estébanez
Asesoramientu Pedagóxicu: Vanessa Peña
Producción y Distribución: Carlos Alba

Duración: 45 minutos
Públicu preferente: familiar (dende los 5 años)

“Les madreñes vacíes” ye un espeutáculu unipersonal interpretáu por un actor especialista nesta mena de trabayos, que tamién ye l´autor de la adautación. La idea cimera ye afondar nel llabor del “xuglar” comu´n actor “total”, un actor que ye amás narrador, músicu y titiriteru. Comu dicen César Oliva y Torres Monreal: “En realidad, el juglar solía constituir todo un hombre-espectáculo en la Edad Media” (Historia básica del arte escénico). La escenografía ígüase alredor del carretu del xuglar, que va tresformase nun improvisáu “retablu” de títeres, del que van xurdir los personaxes del espeutáculu.

Carlos Alba allega al montaxe la so esperiencia´n xéneros estremaos que, n´unificándose na so propuesta escénica, aporten un aquel diferenciáu al so trabayu personal: el teatru, la xuglaría y la narración oral. Améstase nesta ocasión la xera colos títeres o marionetes, de la que s´encarguen dos especialistes nel xéneru: Alexander y Olga Curcic, de Teatru Plus. Na estaya musical, introdúcese la guitarrra barroca, cola mayestría de Noemí G. Sagüillo.

Sicasí, la obra “Les madreñes vacíes” asítiase na llínea interpretativa del espeutáculu unipersonal, teatral y de títeres, sofitáu na xuglaría, y empobináu al públicu familiar.