Homenaxe a Teodoro Cuesta nel 130 aniversariu del so fallecimientu. Espectáculu poéticu musical

Homenaxe:

Homenaxe a Teodoro Cuesta nel 130 aniversariu del so fallecimientu

Sábadu, 1 de febreru de 2025

12:00h. Ofrenda floral, nel monumentu de La Pasera.

19:00h. Espectáculu poéticu musical, cola participación de:

• Alberto Rodríguez (actor)
• Bandina L’Arrancaera (Aula Tradicional de la Escuela de Música de Mieres)
• Tríu de violonchelu, flauta y pianu (profesoráu del Conservatoriu)

Auditoriu Teodoro Cuesta
Entrada llibre hasta completar aforu

Mieres fai un homenaxe a Teodoro Cuesta nel 130 aniversariu del so fallecimientu

L’Ayuntamientu de Mieres va facer una homenaxe a Teodoro Cuesta, el poeta más importante en llingua asturiana, coincidiendo col 130 aniversariu del so fallecimientu. Sedrá’l 1 de febreru, con dos actos nos que la señaldá, la memoria y los testos de Teodoro sedrán protagonistes. Entamando a les 12 hores con una ofrenda floral nel Monumentu a Cuesta en La Pasera. Un actu emotivu nun llugar cimeru del conceyu de Mieres.

Yá pela tarde, a les 19 hores, l’Auditoriu Teodoro Cuesta acoyerá un espectáculu poéticu y musical nel que participen Alberto Rodríguez, la Bandina L’Arrancaera de la Escuela de Música de Mieres y el Tríu de violonchelu, flauta y pianu a cargu del profesoráu del Conservatoriu. Una tarde na que nun van faltar les sorpreses y la emoción al traviés de les lletres, la música y tamién l’humor.