Jornadas 8M: Muyeres, en concierto: “Humanes”

Concierto

MUYERES
“Humanes”

Sábadu 16 de marzo, 20:00 h
Mieres Centru Cultural

Entrada anticipada 12 euros / en taquilla 15 euros

Entradas disponibles en la Llibrería La Llocura y online en https://muyeres.org/

Muyeres ye un proyectu musical que nació en 1993 cola unión de muyeres procedentes de dellos grupos d’investigación etnográfica y l’oxetivu de reivindicar la música de percusión del país y el protagonismu de la muyer nel caltenimientu de la tradición sonora asturiana.

Anguaño somos 28 persones de d’estremaos llugares d’Asturies y, ente canción y canción, pretendemos y buscamos al traviés de la música, emocionar y tresmitir divirtiéndonos. Nun somos profesionales, pero tamos enfotaes na tresmisión del patrimoniu musical y por él damos el tiempu que tenemos y el que nun tenemos.

Si dalgo tamos arguyoses, ye de que a lo llargo de 30 años d’esistencia, formaron parte del grupu más de 150 muyeres y collaboradores que güei participen o dirixen munches asociaciones, grupos o escueles de música tradicional y que son una bona parte de la hestoria viva de la música asturiana.