Presentación del libro: “L’home de choque”, de Joseph Peyré

“L’home de choque”
de Joseph Peyré

Con las intervenciones de:

• Javier Martínez Concheso
  Traductor
• Rafael Rodríguez Valdés
  Editor

Biblioteca Pública de Mieres
Entrada gratuita hasta completar aforo

L’home de choque ye una novela psicolóxica d’acción escrita poco depués de los socedíos d’ochobre del 1934 y onde rescampla’l procuru del autor a la de recrear la realidá d’Asturies.

«L’homme de choc llegó a mi gracies a Iván Cuevas, que foi’l de dame a conocer la novela de Joseph Peyré, una obra que nun apaez referenciada nos estudios clásicos de la revolución del 1934 y traducida por partida doble al inglés (Rehearsal in Oviedo, Knight Publishers, Nueva York, 1937; y Prelude in Oviedo, Geoffrey Bless, Londres, 1938). Cuevas descubrióme una novela que nun respondía nin a los testimonios militantes nin a les cróniques periodístiques de los años trenta, escrita al poco de producise la revolución asturiana y publicada primero que Revuelta n’Asturies. Una rara avis. El casu ye que l’exemplar que llegó a les mios manes en febreru del 2020 yera de la primer edición publicada nel 1936 y perteneciera a José García San José, un socialista exiliáu en Bélxica y qu’apuntara nel interior del llibru “Liége 13=V=1936” un mineru asturianu que bien podía ser un trasuntu del Morenu, el protagonista d’esta novela de Peyré, un home que tuviera lleío hasta quemar los güeyos y con unos músculos de dinamiteru que tuvieran la midida del tiempu. Pero otra posibilidá ye que, como tu, José García se punxera a lleer estes páxines que falen d’un mundu muertu y d’una catedral que nun val el sangre que pinga, percorriendo l’Uviéu que tentaron tomar y preguntándose si aquel ochobre foi l’amanecer de verdá» Rafael Rodríguez Valdés.

Joseph Peyré (Aydie, 1892-Cannes, 1968), autor esencial de la lliteratura francesa, foi un escritor y periodista que mereció la «Lexón d’Honor», amás de facer parte de l’Academia francesa. Les sos obres más conocíes son L’escuadrón blancu (1931); Sangre y lluces, premiu «Goncourt» nel 1935 (adaptada al cine nel 1954 por Georges Rouquier); Matterhorn (1939) y Jean el Vascu (1967). L’home de choque ye una novela psicolóxica d’acción escrita poco depués de los socedíos d’ochobre del 1934 y onde rescampla’l procuru del autor a la de recrear la realidá d’Asturies. Esta obra, que cuenta con dos traducciones al inglés y que ye una de les primeres que s’escribieron sobre la revolución asturiana, tien mui presente la esperanza y el desencantu d’aquellos díes pero peñeraos pola visión crítica del autor pa cola propaganda y la violencia. Javier Martínez Concheso (Sospelái, Llaviana, 1970) fizo estudios de Filoloxía francesa na Universidá d’Uviéu y anguaño ye catedráticu de secundaria. Ye responsable de les traducciones de Cándidu o l’optimismu de Voltaire, publicada nesta mesma colección (2022) y cola que ganó’l premiu «Florina Alías», y de L’entierru en Sabres (Trabe, 2023) de Bernat Manciet.