Presentación del libro: “El pesu la llibertá (insumisa)”, de Fernando González Rodríguez

El pesu la llibertá (insumisa)
de Fernando González Rodríguez

Editorial Hoja de Lata

Salón de actos de la Casa de Cultura Teodoro Cuesta
Entrada gratuita hasta completar aforo.

A finales del sieglu pasáu nel Estáu español entá llamaben a files a tolos mozos que cumplíen los 18 años pa cumplir un Serviciu Militar Obligatoriu de nueve meses. Munchos miles d’ellos declaráronse oxetores de conciencia y cumplieron la Prestación Social Sustitutoria. Otros, miles tamién, ficiéronse insumisos ñegándose tanto a la mili como a la PSS. N’Asturies los insumisos pasaron del centenar y de 1992 a 1997 diecinueve d’ellos pagaron pena de prisión nes cárceles d’Uviéu y Villabona, condergaos na so mayoría a dos años, cuatro meses y un día. El pesu la Ilibertá (Insumisa) ye un rellatu d’aquellos años, d’aquella cárcele, d’aquellos díes d’enzarru obligáu y d’aquellos suaños de Ilibertá. Esa libertá que yá tas tastiando y que pues tocar cola punta los deos, va camudando col pasu de les hores y d’unos pocos díes fasta convertise nuna velea ensin salida. Una desesperación que fai perder l’enfotu por algamar la vuelta al mundu de los d’afuera, que se vuelve a alloñar a cada pasu. Pero na cárcele, nes cárceles, tamién aporta la primavera. Y NON, NUN HUBO PRISIÓN QUE PARASE LA INSUMISIÓN.