Teatro infantil n’asturianu: “Blanca y l’arcu la vieya”, de Luz de Gas Teatro

Teatro infantil n’asturianu

“Blanca y l’arcu la vieya”
de Luz de Gas Teatro

Martes, 11 de junio, 18:00h.

Auditoriu Teodoro Cuesta

Entrada libre hasta completar aforo

Proyecto incluido en Circuito de Artes Escénicas en el Principado de Asturias. ASTURIAS EN REDE. Consejería de Cultura del Principado de Asturias

Blanca y l’arcu la vieya ye un cuentu que nos fala de colorinos, de xente de lo más variao. Dexar de ver la vida en blanco y negro ye perimportante.

Blanca y l’arcu la vieya cúntanos la historia d’un personaxe al que namás-y prestaba’l color blanco. Tenía toles coses d’esi color. Prestáben-y la ñeve, les nubes, la fariña, les canes… nun tenía querencia nenguna polos demás colores. Un día de Navidá, Blanca atópase al llegar a casa con un arbolón de color verde na sala. Ye tan grande’l disgustu, qu’escapa galmiando y berrando lo más lloñe posible de la so casa. Nesta aventura, ye onde atopa l’arcu la vieya, y xuntos entamen un viaxe al traviés de los colores que Blanca nun va escaecer enxamás.

“Blanca y l’arcu la vieya” ye un espectáculu musical, la historia cúntase al traviés de cantares prestosos pa que los neños puedan caltener una participación dafechu.