L’Ayuntamientu de Mieres, pente medies de la Casa de la Cultura y el Serviciu de Normalización Llingüística, convoca la XXVI edición del Premiu “Teodoro Cuesta” de poesía n’asturianu, con una dotación económica de 1.200 €. Los orixinales entregaránse en mano o per corréu certificáu en: Casa de Cultura “Teodoro Cuesta” (Secretaría). C./ Manuel Llaneza, 8, 33600. Mieres del Camín, ente los díes 1 y 31 del mes d’ochobre de 2016.[pullquote]El premiu creóse nel añu 1991 y considérase’l más prestixosu de los que se celebren n’Asturies nel ámbitu de la poesía[/pullquote]
El fallu del xuráu daráse a conocer nel plazu d’un mes y el premiu entregaráse nun actu públicu que será comunicáu nel so momentu.Les bases puen consultase na páxina Web del Ayuntamientu: http://llingua.ayto-mieres.es/.
El Premiu “Teodoro Cuesta” creóse nel añu 1991 y considérase’l más prestixosu de los que se celebren n’Asturies nel ámbitu de la poesía. Ente los sos ganadores figuren los más reconocíos autores del Surdimientu.
