L’Auditoriu Teodoro Cuesta de Mieres va acoyer mañana miércoles y el xueves la celebración del Día de la Llingua Materna con dos representaciones teatrales dirixíes al alumnáu de Primaria y Secundaria del conceyu y con un actu, mañana a les 11.30 hores, onde estudiantes de cada centru educativu van lleer los sos manifiestos centraos nel interés y el reconocimientu de la nuestra llingua materna, l’asturianu. Depués de les intervenciones, va ponese n’escena por Fantastique Company la obra El viaxe de Dorothy. El xueves, la representación teatral va tar dirixida al alumnáu de Secundaria, cola obra Les rellaciones peligroses,de la compañía Factoría Norte.
La conmemoración del Día Internacional de la Llingua Materna tien como oxetivu preservar y protexer toles llingües que se falen en mundu y promover la diversidá llingüística y cultural en cualquier parte del planeta. N’Asturies, esta xornada garra muncha importancia pa dar visibilidá, defender y promover l’asturianu.
(más…)